Amahi هو برنامج يتم تركيبه على جهاز مخصص له بحيث يقوم بعدة أشياء مثل يكون هو جهاز الترفيه الخاص بك , مكتبة الصوت الخاصه بك ويقدر يبثها ﻻي جهاز معك بالمنزل وحتى الجوالات , أويضا يكون مخزن الملفات, بحيث تقدر توصل لملفاتك من أي مكان بالعالم.
الميزة فيه انه مايحتاج خبرة أبداً. هو باﻻصل يشتغل على نظام لينكس. فأي مستخدم يقدر يتعامل معه ﻻن التعامل راح يكون عن طريق متصفح اﻻنترنت وواجهات جداً سهلة ومفهومة ! تقدر تركب عليه تطبيقات كثيرة مثل مدونتك الخاصه فيك , التقويم الخاص فيك , يكون برنامج التورنت الخاص فيك وكل هذا تديره عن طريق الويب وأنت بأي مكان بالعالم !الخلاصه البرنامج جداً جداً سهل وبسّط اﻻشياء لدرجة كبيرة !
أنا لي فترة كبيرة وأنا ودي أساهم بشي في المصادر المفتوحة , وبما ان هالبرنامج ان استخدمه ومره معجبني , قلت خلني ابدأ فيه .. وأول شي جاء ببالي إني أضيف اللغة العربية .. تواصلت مع المطورين وكان ترحيبهم عارم ! ومتحمسين قوة !
ففهموني كيف أساهم , وكيف الطريقة .. وبخلال الحمدالله 5 ايام خلصت التعريب. تقريباً هو كان أكثر من 600 جملة فالحمدالله ماكان كثير مرة. طبعاً بعده بدت مرحلة اﻻختبار والتعديل وبعض المحاذاة وهي اللي اخذت وقت عشان بس تضمن ان كل شي شغال تمام .
هذي بعض الصور من واجهات البرنامج باللغة العربية
اضغط على الصورة لحجم أكبر
وهذا الخبر في مدونتهم الرسمية عن أبرز اﻻضافات في اصدار 6.1 ومن بينها خبر إضافة اللغة العربية . اضغط
اهم أمرين استفدتهم من هالتجربة البسيطة :
- التواصل والعمل مع أشخاص ناجحين وعمليين.
- عملية اﻻختبارات والتحقق من كل شي يعمل بشكل جيد
طبعاً شي رهيب أيضاً انك تدخل مع أعضاء الفريق على قنوات الـ IRC وتتناقشون باﻻقتراحات .
بالنهاية شعور انك قدمت شي ولو بسيط راح يعطيك شعور حلو , وان شاء الله هذي البداية فقط .. والمراحل الجاية راح أحاول أدخل بأشياء أكثر فاعلية.
– ملاحظة : ياليت اللي يسمح له وقته يركب النظام ويختبر التعريب بحيث أعدله لو فيه شي مب مفهوم .