هلا ومرحبا !
الجلسات التقنية كانت تتنوع بين المواضيع التالية :Big Date & Cloud Computing – Cloud Storage Virtualization – APIs – Cloud Architecture & Security Performance
هذا تقريباً المؤتمر العاشر للـ Cloud Expo وبصراحة كانت توقعاتي اعلى من ناحية الجلسات التقنية , كنت أبحث عن شي متخصص أكثر , لكن بصراحة المتعة والفائدة دائماً تكون في الاسئلة بعد كل جلسة وأيضاً في نوعية الناس اللي حاضرة المؤتمر , لانه تشاركون الخبرات وتشاركون الـ “best practices ” وبرضوا فرصة حلوة جداً للتعرف على أشخاص في نفس المجال واللي ممكن يؤدي الى علاقة عمل مستقبلية.
أيضاً نفس المؤتمر كان فيه مؤتمر تحته تبع شركة الـ Right Scale وكان جداً حلو يصراحة, فالخيارات من ناحية تنوع الجلسات كانت جداً كثيرة وهذا شي ممكن انه حلو وبنفس الوقت يشتتك , بس ممكن تتفادى هالشي بالتحضير قبل المؤتمر ومعرفة وش الجلسات اللي تهمك ومين المتحدث وهل هو متمكن في هذا المجال.
بشكل عام يعني أقدر اقول اني راضي عن المؤتمر وطلعت منه بمعلومات جداً ممتازة , الحوسبة السحابية لها تعاريف كثيرة وحتى بالنسبة للغرب هي شي جديد وللحين الشركات متخوفه منها ولا تدري هل هو الحل الافضل بالنسبة لها او لا.
طبعاً مايخفى انه بعض الجلسات التقنية تنتهي بعرض المنتج وتكون تسويقية وهذا طبيعي.
هذي بعض الصور من المؤتمر
Jereme Hancock من Rackspace , بيننا معرفة سابفة وكانت فرصة جميلة اني قابلته في المؤتمر
